နာဂ ရိုးရာပွဲတော်

နာဂ ရိုးရာပွဲတော် ကို စစ်ကိုင်းတိုင်း၊ ခန္တီး ခရိုင်၊ နန်းယွန်းမြို့နယ်တွင် ဇန်န၀ါရီ ၁၅ ရက်တွင် ကျင်းပ ခဲ့သည်။ နာဂ ရိုးရာပွဲတော် ကျင်းပရာ နန်းယွန်းမြို့နယ်တွင် နာဂ တိုင်းရင်းသား ကျေးရွာ အုပ်စု၅၁ နှင့် ကျေးရွာ ပေါင်း ၉၄ ရွာရှိသည်။ နာဂ တိုင်းရင်းသား များနေထိုင်သော ရနိုင် တောင်တန်း၊ မုတ် တောင်တန်း၊ ပတ်ကွိုင် တောင်တန်း၊ ဟူး ကောင်းတောင်တန်း၊ ခန္တီးခရိုင်နယ်စပ်ရှိ နာဂ တိုင်းရင်းသားများပါ ခန္တီးခရိုင်နန်းယွန်း မြို့ရှိ နာဂရိုးရာ ပွဲတော်သို့ တက်ရောက်ကြ ကြောင်း သိရသည်။

စည်ကား

နာဂ ရိုးရာ ပွဲတော်ကို ယခင်နှစ် များ၌ လေရှီး၊ လဟယ် တို့တွင် ကျင်းပခဲ့ပြီး ယခုနှစ် တွင် နန်းယွန်း မြို့နယ်နှင့် ထိစပ်နေသော လိတ်နိုချောင်း၊ ဟာနူးချောင်း၊ နောင်ယန်း အင်းနှင့် နောင်ဆိုင်အင်းတို့၌ နေထိုင်သော နာဂတိုင်းရင်းသားများပါ တက်ရောက်နိုင်ရန် တိုင်း၊ ခရိုင်၊ မြို့နယ် အာဏာပိုင်များက စီမံ ဆောင်ရွက်ခဲ့ သဖြင့် နာဂရိုးရာပွဲတော်သည် အလွန်ပင် စည်ကားခဲ့သည်။

မြေသားလမ်း

နန်းယွန်းနှင့် လဟယ်သည် ခရီးမိုင် ၁၂၀ဝေးသော်လည်း တိုင်း၊ ခရိုင်နှင့် မြို့နယ် အာဏာပိုင်အဖွဲ့က ကြိုးပမ်း အားထုတ်မှု ကြောင့် ပွဲတော်အမီ လဟယ်နှင့် နန်းယွန်း မြို့အထိ မြေသား လမ်းဖောက်လုပ် ပြီးစီးနေမှု ကိုဒေသခံများ ထံမှသိရသည်။

တည်နေရာ

ပထမအကြိမ် ကျင်းပသော နာဂရိုးရာ ပွဲတော် ကျင်းပရာနန်းယွန်းမြို့နယ် တည် နေရာ သည် အရှေ့နှင့် အရှေ့မြောက် တွင် ကချင်ပြည်နယ် ပူတာအို မြို့နယ်နှင့်တနိုင်း မြို့နယ်၊ အနောက်မြောက်ဘက် တွင်အိန္ဒိယ နိုင်ငံအာရှ နာချာပရာဒေ့ခ်ျပြည်နယ် ချန် လန်းခရိုင်နှင့် တောင်နှင့် အနောက် တောင်ဘက် တွင် ခန္တီးမြို့နယ် နှင့် လဟယ် မြို့နယ်တို့ ဆက်စပ် လျက်ရှိကြောင်း သိရ သည်။

အကျယ်အ၀န်း

နာဂ တိုင်းရင်းသားများ နေထိုင် သော တောင်တန်း တောင်ကုန်း များသည် စုစုပေါင်း ဧရိယာ စတုရန်း မိုင်ပေါင် ၂,၅၅၅ ကျော် ကျယ်ဝန်း ကြောင်း သိရသည်။

ယခုနှစ် ကျင်းပသော နာဂရိုးရာ ပွဲတော်သို့ နိုင်ငံ တကာမှ စာနယ်ဇင်း များနှင့် ဓာတ်ပုံ သတင်းထောက်များ ကို ထူးခြားစွာ မတွေ့ရခြင်းမှာ အိန္ဒိယနှင့် တရုတ်နိုင်ငံသို့ ဆက်သွယ် မည့် လီဒိုလမ်း အပိုင်းသည် အချောသပ် လုပ်ငန်း ပြည့်စုံစွာ မဆောင်ရွက်နိုင်သေး သဖြင့် ဖိတ်ကြားခြင်း မပြုလုပ်နိုင်ခဲ့ ကြောင်း ဒေသနေ ပြည်သူများ ထံမှ သိရ သည်။

ခရီးသွားဖွံ့ဖြိုး

အိန္ဒိယနယ်စပ်နှင့် ထိစပ် နေသော ပန်ဆောင်မြို့သည် ပင်လယ်ရေပြင် အထက် ပေ ၁,၂၀၀ အမြင့်မှာရှိပြီး ပွဲတော် ကျင်းပသည့် နန်းယွန်းမြို့သည် ပေ ၁,၁၅၀ မြင့်သည့် အတွက် ရာသီဥတု မှာလည်း အလွန်အေးပြီး နယ်မြေ လုံခြုံရေး အခြေအနေ မှာလည်း အလွန် အေးချမ်း သာယာစည်ပင်သော မြို့တစ် မြို့ဖြစ်ရုံမက မကြာသော ကာလတွင် ခရီးသွား လုပ်ငန်းများဖြင့် ဖွံ့ဖြိုး လာမည် ဖြစ်ကြောင်း ဒေသခံများ ထံမှ သိရ သည်။

ပြန်လည်စည်ကား

နာဂ တိုင်းရင်းသား များတွင် ကိုယ်ပိုင်စာ ပေ မရှိသော်လည်း ၎င်း တိုင်းရင်းသားများသည် အစဉ်အမြဲ ကျင်းပပြုလုပ်သော ပွဲတော်ဖြစ် သည့် နာဂရိုးရာ နှစ်သစ်ကူး ပွဲတော်ကို နှစ်စဉ် ဇန်န၀ါရီ ၁၅ရက်တွင် ကျင်းပသည်။ နာဂ တိုင်းရင်းသားများ ပြန်လည် ဆုံတွေ့သော ပွဲတော် ဖြစ်သည့်အတွက် တစ်ဦးနှင့်တစ်ဦး အမှတ်တရ အဖြစ်ကြက်၊ ငှက်၊ ၀က်၊ကျွဲ၊ နွား နှင့် နွားနောက်တို့ အပြင် ကိုယ်တိုင် ရက်လုပ် ထားသည့် ခြုံစောင်၊ လက် ရက်ခြင်း၊ ကြိမ်ကွင်း၊ ငွေ ကွင်းစသည်တို့ကို လည်း လက်ဆောင် အဖြစ်ပွဲတော် ကာလ အတွင်း လဲလှယ်ကြသည်။

အစဉ်အလာမပျက်

ဤကဲ့သို့ လက်ဆောင် ပေးရာတွင် ကြီး မားပြီး သယ်ဆောင်ရာတွင် မလွယ်သော ကျွဲ၊ နွားများကို ငွေကြေးတန်ဖိုးဖြင့် သတ်မှတ်ပြီးပေး အပ်ခြင်း ကို နာဂလူကြီးက ရှင်းပြ၍ သိရသည်။ ထို့အပြင် နာဂမျိုးနွယ်စု များ၏ ကောက်စိုက် ပွဲတော် ကောက်ရိတ် ပွဲတော်တို့ကို လည်း အစဉ် အလာမပျက် ကျင်းပ ကြကြောင်း သိရသည်။

မီးပုံပွဲ

နာဂ ရိုးရာ ပွဲတော် အခမ်းအနား တွင် နာဂ တိုင်းရင်းသား များသည် မာရသွန်၊ ဘော်လီ ဘော၊ လွန်ဆွဲပွဲ စသည့် အားကစားပွဲ တော်များကို ဇန်န၀ါရီ ၁၅ရက်နေ့ တွင်လည်း ကောင်း၊ ညပိုင်းတွင် နာဂရိုးရာ မီးပုံပွဲ၌ ရိုးရာ သီချင်းများဖြင့် ဖျော်ဖြေတင် ဆက်ကြပြီး မော်ဒယ် အလှမယ် ရွေးချယ်ပွဲ အခမ်းအနားကိုလည်း နှင်းမှုန်မှုန်ကြား တွင် ပျော်ရွှင်စွာ ဆောင်ရွက်ကြသည်။

ကူညီပံ့ပိုး

နာဂရိုးရာ ပွဲတော်သို့ ကျေးရွာပေါင်း ၉၄ ရွာမှ တောင်တန်း ဒေသနေ ကျေးရွာနာဂ များအတွက် စစ်ကိုင်းတိုင်း၊ အားကစားဝန်ကြီး ဌာနနှင့် ဒေသခံ တာဝန်ရှိသူများက အား ကစားပစ္စည်းများ၊ ဆန်၊ ဆီ၊ ဆား၊ အ၀တ် အထည်၊ ခြုံစောင်များနှင့် လိုအပ်သော ပစ္စည်းများ ကိုကူညီပံ့ပိုး ပေး ပြီးရင်းနှီးခင် မင်စွာ နာဂရိုးရာ ပွဲတော်နှင့် အတူ ပါဝင်ဆင်နွှဲခဲ့ကြ ကြောင်းသိရသည်။

သတင်းနှင့်ဓာတ်ပုံ – စောသိန်းဝင်း

source from the myanmar post journal